Kryeministri i vendit, Edi Rama ka mbajtur fjalën e tij në konferencën e përbashkët me sekretarin e shtetit Antony Blinken, i cili ndodhet në Tiranë.
Ai tha se Shqipëria kanjë vlerësim të veçantë për këtë vizitë dhe për të gjithë mbështetjen që SHBA gjithnjë i kaofruar Shqipërisë.
“Shumë i nderuar sekretar i shtetit, i dashur Toni, është gjithnjë ditë e shënuar dhe me rëndësi të veçantë në historinë e marrëdhënieve të Shqipërisë me SHBA dita kur sekretari i shtetit viziton vendin tonë. Ju jeni i gjashti, por këtë herë ne kemi një vlerësim të veçantë për këtë vizitë, pasi jemi shumë të vetëdijshëm për kohën e trazuar jo vetëm n ë kufijtë e Europës por edhe në zona të tjera.
Fakti që ju gjetët kohë dhe njëkohësisht edhe e patë të nevojshme të ndaleni në Tiranë është për ne një shenjë shumë e rëndësishme e miqësisë por edhe e vlerësimit që ju i bëni kësaj miqësie, këtij partneriteti dhe këtij rajoni. Natyrisht që nuk mund të mos e ndaj me publikun keqardhjen që mes darkës në Shqipëri dhe asaj në Mynih, ju zgjodhët ushqimin jo aq të shijshëm gjerman.
Por ne tonën e bëmë, darkë ne kishim gati. Jemi të nderuar nga vizita e sekretarit të shtetit. Jam shumë i kënaqur nga bashkëbisedimi i hapur, i thellë e nga niveli i mirëkuptimit mes nesh. Kjo vizitë koincidon edhe me përfundimin e anëtarësimit Shqipërisë në Këshillin e Sigurimit, ku i shpreh falënderimin për mbështetjen në këto dy vite si anëtare e përkohëshme”,-tha Rama.
