Ashtu siç ishte lajmëruar në mediat greke dhe ato maqedonse, kryeministri i Greqisë Alexis Tsipras ka mbërritur mëngjesin e së martës në aeroportin e Shkupit, për një vizitë historike në Maqedoninë e Verit, pak kohë pas debateve ndërkombëtare për emrin e këtij shteti.
Tsipras do të zhvillojë një takim em homologun e tij Zoran Zaev, ndërkohë që mediat greke kanmë theksuar se ky i fundit nuk e ka pritur kryeministrin në aeroport, siç ndopdh përgjithësisht në vizita të tilla të rëndësishme diplomatike.
Në vend të Zaev, në aeroport Tsipras është pritur nga ministri i Mbrojtjes Radmila Sekerincka dhe ministri i Ekonomisë, Kresnik Bektesi.
Në vizitë, Tsipras shoqërohet nga 10 anëtarë të parlamentit grek, ndërsa mësohet se edhe 70 biznesmenë të kompanive greke do zhvillojnë takim me kryeministrin maqedonas për të diskutuar zgjerimin e investimeve greke në shtetin e Maqedonisë së Veriut.
Sipas mediave greke, pas marrëveshjes së Prespës shumë nga biznesmenët grekë kanë tashmë liri për të investuar në Maqedoninë e Veriut dhe ky do jetë synimi kryesor i kryeministrit Zaev dhe i ministrit të ekonomisë Kresnik Bektesi.
