Kryeministri Edi Rama është ditën e sotme për një vizitë në Itali ku nga Bari ka mbajtur edhe një konferencë të përbashkët me ministrin e Jshtëm Italian, Liuigi di Maio. Rama ka falenderuar italinaët për mikëpritjen që i bënë shqiptarëve 30 vite më parë, ndërsa e kakëshilluar Di Maion që të merret me patentat e shqiptarëve që kanë ngecur në korridoret e burokracisë italiane.
“Uroj që ne mund të jemi në lartësinë e kësaj miqësie. Uroj që të mos keni nevojë kurrë për ne, por nëse do të keni ne do të jemi aty. Të nderuar që jemi në krahun tuaj.
Janë gjysmë milioni shqiptarë që sot jo vetëm jetojnë, punojnë por edhe kontribuojnë në ekonominë italiane. janë rreth 50 mijë sipërmarrjet e krijuara nga shqiptarë dhe janë mijëra të rinj që studiojnë në universitetet italiane. Duke qenë se italishtja është si gjuhë e dytë e jona, janë gjithmonë përpara studentëve të tjerë të huaj.
E gjithë kjo është bërë e mundur falë asaj që thashë, disponueshmërisë që i ka rrënjët në historinë dhe shpirtin italian. I këshilloj Luigin të merret me patentat e shqiptarëve sepse kanë ngecur në korridoret e burokracisë italiane dhe duhet të nxirren që të drejtojnë normalisht, sepse si italianë dhe ne jemi të kujdesshëm të ngasim pa patenta”, ka thënë Rama.
Ndërkohë, ministri Di Maio ka përkujtuar eksodin e shqiptarëve, duke i cilësuar si miq shqiptarët që shkuan në Itali 3 dekada më parë. Ai ka thënë se shqiptarët që sot jetojnë në Itali sot japin një kontribut të jashtëzakonshëm në shoqërinë italiane.
“Jemi këtu për të kujtuar një ngjarje të rëndësishme, ardhjen e parë të miqve shqiptarë këtu në Puglia që erdhën këtu 30 vite më parë, pikërisht në këto ditë. Puljezët dhe do thosha të gjithë italianët ruajnë në memorie imazhet e atyre personave të ngjeshur me mijëra në anijet e fatit. Për shumë shqiptarë Italia do të thoshte mbi të gjitha liri dhe shpresë për një jetë më të mirë. Nuk e dimë me saktësi se sa shqiptarë mbërritën në brigjet puljeze ata muaj dramatikë të vitit 1991, sigurisht disa dhjetëra mijëra. Vetëm anija “Vlora” që u ankorua në portin e Barit në gushtin e 1991 transportonte 20 mijë persona. Të gjithë ata ashtu sikurse mijëra bashkatdhetarët e tjerë që erdhën në muajt e mëpasshëm gjetën mikpritje. Pritja e shqiptarëve nga qytetarët puljezë ishte e jashtëzakonshme dhe ende sot na mbush me krenari. Qytetarët shqiptarë që jetojnë në Itali, janë sot rreth 500 mijë dhe japin një kontribut të jashtëzakonshëm në të gjithë sektorët e shoqërisë sonë”, tha Di Maio.
