Rektori i Universitetit të Tiranës, Artan Hoxha, vetëm një ditë përpara fillimit të vitit të ri akademik, ka publikuar një videomesazh për të gjithë studentët.
Hoxha ka deklaruar se nga situata e krijuar për shkak të koronavirusit mësimi do të zhvillohet online, duke thënë se ky vendim është i përkohshëm deri në një urdhër të dytë.
Teksa ka uruar të gjithë studentët Hoxha shprehet se Universiteti i Tiranës ka marrë të masat përtë pasur një vit akademik me kushte sa më të mira.
“Të dashur studentë dhe kolegë. Ju uroj suksese dhe mbarësi për fillimin e vitit të ri akademik 2020-2021. Ky është një fillim viti i ndryshëm i diktuar nga situata e përgjithshme e zhvillimit të pandemisë për shkak të përhapjes së koronavirusit. Në këtë situatë të pazakonshem ruajta e shëndetit është prioritar. Universiteti i Tiranës ka marrë masat e nevojshme për të garatuar mbrojtjen e shëndetit të studenteve dhe stafit.
Të nderuar koleg dua tju falenderoj për punën, pavarësisht jam i bindur që edhe ky vit do të jetë i suksesshëm. Të nderuar student iu uroj veçanërisht stundentëve që hyjnë për herë të parë. Gjej rastin tju bëj thurrje për mirëkuptim dhe bashkëpunim.
UT ka hartuar rregulloren institucionale për përhapjen e koronavirusit dhe ka marrë masta. Do kisha patur shumë dëshirë që viti akademik të niste në ambientet e fakulteteve tona me enrgjinë dhe pozitivitetin tuaj rinor, por fatkeqësisht situata nuk na e lejon.
Ky vit akademik fillon online dhe ka përcaktuar platformën ku do të zhvillohet mësimi për aq kohë që do të jetë e nevojshme, duke shpresuar që shumë shpejt do kthehemi në ambientet e Universitetit. Ju bëj thirrje të regjistroheni në platformë duke ndjekur udhëzimet që u janë dërguar,” shprehet Hoxha.
