Viti i Ri 2023 e gjen Rpublikën e Maqedonisë së Veriut në krye të OSBE. Prej sot, dita e parë e 2023 Maqedonia e Veriut zyrtarisht merr për një vit kryesinë e radhës së Organizatës për Siguri dhe Bashkëpunim në Evropë (OSBE), e cila përfshin 57 shtete nga tre kontinente.Ministria e Jashtme e Maqedonisë së Veriut pret që Presidenca e OSBE-së të përqendrohet tek siguria njerëzore në një periudhë kur rajoni dhe bota po përballen me pasiguri dhe paqëndrueshmëri. Ministri i Jashtëm, Bujar Osmani theksoi synimet për ndërmarrjen e misioneve në terren dhe mbështetjen e veprimtarive me qëllim përparimin e të drejtave dhe lirive të njeriut, teksa vuri në dukje fokusin e Presidencës së OSBE-së për ripërtëritjen e dialogut dhe arritjen e paqes në rajonet e krizës, para së gjithash në kontekstin e agresionit rus ndaj Ukrainës.Autoritetet në Shkup shpresojnë se kryesimi i kësaj organizate të madhe ndërkombëtare do të ketë ndikim pozitiv për vetë pozitën e Maqedonisë së Veriut në më shumë fusha, përfshirë zhvillimin ekonomik dhe qëndrueshmërinë e përgjithshme.
Kujtojmë se drejtimin e OSBE e kishte edhe Shqipëria më herët në vitin 2020 dhe shënoi një moment të rëndësishëm në politikën e jashtme, diplomaci dhe marrëdhëniet ndërkombëtare. Për herë të parë, një vend si Shqipëria, mori përsipër një mision kaq të rëndësishëm në organizatat ndërkombëtare./VOA
