Ministri i Brendshëm Sandër Lleshaj mund të jetë i rrezikuar nga Covid-19, pasi zëdhënësi i tij, Ardit Bida, rezulton të jetë i infektuar nga coronavirusi. Për vetë raportet e ngushta që ministri ka më zëdhënësin dhe këshilltarin e tij për mediat, ai duhet të testojë menjëherë veten dhe të ruajë të afërmit e tjerë.
Lajmin e bën të ditur zëdhënësi i Policisë së Shtetit, Gentian Mullai. Ai ka qenë vetë në këtë situatë dhe tregon se është ndihmuar nga zëdhënësi i Lleshajt, Bida. Ky i fundit rezultoi edhe vetë me Covid, pasi u testua.
“Falënderoj mikun tim Ardi Bita i cili më mbështeti derisa sëfundmi u infektua dhe vetë. I uroj me zemër shërim sa më të shpejtë”, shkruan ndër të tjera Mullai në postimin e tij në Facebook.
Mullai tregon se vartësit e tij të zyrës së shtypit kanë vazhduar punën me sukses në mungesë të tij.
“Një falënderim për 12 zëdhënësit e DVP në qarqe dhe stafit të zyrës time që edhe pse s’i ndoqa e udhëhoqa dot si duhet e bënë punën në mënyrë të mrekullueshme, s’ka asnjë të pazëvendësueshëm, vetëm shëndeti nuk zëvendësohet, ju faleminderit kolegë e kolege”, shkruan Mullai.
Ai publikon edhe rezultatin e testit të fundit, ku ka dalë i shëruar.
/GazetaReforma.com/
