Kjo është vila 3-katëshe në fshatin Zhupan të Fierit, ku 31-vjeçari Elton Meta, kërcënoi se do të vriste veten me automatik. Mësohet se, banesa ishte në pronësi të vjehrrit të tij dhe në momentin e kërcënimit, brenda kanë qenë të gjithë familjarët.
Këta të fundit janë terrorizuar nga veprimet e të riut. I riu dhe bashkëshortja e tij, me të cilën ka edhe një fëmijë, nuk jetojnë në këtë banesë.
Ngjarja ndodhi gjatë orëve të para të mëngjesit të sotëm, ku 31-vjeçari Elton Meta, kërcënoi se do të vriste veten me armë zjarri në banesën e vjehrrit.
Ai u vetëdorëzua në polici, pas 5 orësh negociata. Nuk dihen motivet e kësaj ngjarjeje, por dyshohet se ky veprim erdhi, pasi gruaja e tij i kishte kërkuar divorcin.
/GazetaReforma.com/
