Situata në pikën kufitare të Kakavijës po shkon drejt përmirësimit, ashtu siç edhe në doganën tjetër të Kapshticës.
Sipas BallkanWeb rradha e makinave që presin për të kaluar kufirin është zvogëluar në 7 kilometra nga 12 që ishte më parë. Kjo ka ardhur pas vendimit të qeverisë tonë dhe palës greke për vijimin e punës edhe gjatë natës.Gjithashtu pala greke ka lehtësuar kontrollet për gjurmimet e virusit Sars Covid-2, duke iu kryer tamponin, vetëm atyre personave që paraqesin shenja të dukshme.
Ndërkohë nga data 17 gusht 2020, nga pika kufitare e Kakavijës do të kenë mundësi të kalojnë vetëm 750 persona në ditë, ndërsa nga ajo e Kapshticës vetëm 300 persona në ditë, në fashën orare 06:00 deri në orën 22:00, konform rregullave të vendosura nga pala greke, si pasojë e situatës së krijuar nga COVID-19.
Kujtojmë se në rradhë ka edhe te moshuar e të mitur, ku njëri prej tyre humbi jetën ditën esotme nga një autoambulancë që po transportonte një të sëmurë.
