Policia Lezhës ka identifikuar dhe ka shpallur sakaq në kërkim shtetasin Gjin Gjini, si autorin e dyshuar për plagosjen e pak çasteve më parë të Hilë Gjinit në fshatin Balldren të Lezhës.
Gjin Gjini, mendohet si autori që plagosi Hilë Gjinin në Lezhë.
Autori është me të njëjtin mbiemër me të plagosurin, por nuk dihet nëse mes tyre ka lidhje familjare ose farefisnore.
Policia e ka shpallur në kërkim Gjin Gjinin, ndërsa Hila ndodhet në spital ku po merr ndihmën e nevojshme mjekësore.
Në pyetje po merren fqinjët e të dy palëve për të mësuar shkaqet e ngjarjes, ndërsa raportohet paraprakisht se, krimi mund të ketë ndodhur për shkaqe pronësie.
Në një video që po qarkullon në rrjet shihet momenti i trishtë, kur gruaja e të plagosurit nxjerr fëmijën nga makina dhe e largon nga vendi i ngjarjes.
Fëmija dëgjohet duke qarë e ulëritur nga frika, teksa ishte i pranishëm në momentin kur babai i tij, 43-vjeçari Hilë Gjini, është qëlluar me dy plumba brenda mjetit.
I plagosuri ka qenë duke dërguar fëmijët në shkollë, kur është qëlluar nga bashkëfshatari.
/Video: BW/GazetaReforma.com/
