Një termet me magnitudë 5.9 ka goditur qytetin Elassona të Greqisë. Tërmeti u ndje edhe në Atikë. Lëkundjet raportohen se janë ndjerë edhe në Jug të Shqipërisë.
Sipas të dhënave të para nga Institutit Gjeodinamik, tërmeti kishte një thellësi prej 10 km dhe epiqendra e tij ishte 21 km në jug-perëndim të Elassona.
Mediat greke kanë publikuar disa pamje nga tërmeti në Elassona të Greqisë ku shihen njerëz që dalin në rrugë të tmerruar dhe disa të tjerë me telefona nëpër duar duke u munduar të lidhen me familjarët e tyre.
Ka qenë një qytetar që ka filmuar momentin kur bie tërmeti, ndërsa shihet se si lëvizin abazhurët në shtëpinë e tij për disa sekonda. Ndonëse deri më tani nuk dihen dëmet e shkaktuara, nga pamjet e publikuara shihet se pjesë betoni kanë rënë nga ndërtesat sipër makinave apo dhe në rrugë.Gjithashtu, dy vite më parë me të njëjtën magnitudë ka qenë dhe tërmeti i muajit Nëntor.
Tërmeti shkatërrues i datës i 26 nëntor, ku u shuan 51 jetë e me mijëra persona mbetën pa banesat e tyre, është më vdekjeprurësi në botë për vitin 2019. Viti 2019 do të mbahet mend gjatë si një vit zie për shkak të këtij tërmeti që mori plot 51 jetë.
Kujtojmë që tërmeti i 26 nëntorit preku kryësisht Durrësin dhe Thumanën, dy zonat me më shumë viktima.
https://youtube.com/watch?v=Z6zjDt5HsSM
