Situata me koronavirusin në Shqipëri po bëhet alarmante moment pas momenti dhe kjo gjë nuk duhet neglizhuar në asnjë çast.
Çdo ditë vijnë njoftime të hidhura nga Spitali Infektiv (Covid 1) dhe ai “Shefqet Ndroqi” (Covid 2), ku aty jeta lufton me vdekjen çdo çast.
Mëngjesin e sotëm teleshikuesit e emisionit “Ditë e Re” në “Ora News”, janë bërë dëshmitarë të dramës së madhe që po zhvillohet në spitalet e Tiranës.
Madje dëshmitare dhe e tronditur ka qenë edhe vetë gazetarja Anxhela Celibashi, e cila ndodhej pranë ambjenteve të “Qendrës Spitalore Universitare Nënë Tereza”, tek Infektivi, aty ku po raportonte Live për të infektuarit me Covid-19.
Teksa gazetarja, ishte duke raportuar Live për zhvillimet e fundit, u bë dëshmitare e një drame familjare.
Një grua humbi njeriun e afërt dhe të bërtiturat e saj në momentin që mori lajmin e hidhur u dëgjuan Live të transmetim.
“Dikush ka humbur njeriun e afërt, sapo humbi dikush njeriun e afërt…”,- raportoi direkt nga tereni gazetarja, e cila tensionin e saj dhe të situatës e përcolli edhe për teleshikuesit.
/Burimi: Ora News.tv/ GazetaReforma.com/
