Një valë “e dytë” me gjasë e infeksioneve të koronavirusit po rikthehet në Europë dhe menjëherë qeveritë e vendeve kryesore e panë të udhës që të vendosin ndaj popullatës karantinën ose masat bllokuese si në pranverën e këtij viti.
Mediat dhe opinionistët në këto shtete nuk janë nxituar që të nxjerrin përfundime nëse kjo është një “axhendë globale” apo jo, apo ka nën vete një konspiracion, por gjithsesi as nuk i kanë bërë jehonë pakënaqësisë që është ndezur në këto shtete.
Por fakti është se, ditët e fundit, në shumë vende të Europës kanë shpërthyer protestat kundër masave kufizuese të qeverive.
Italia që në mediat globale shitet sikur i po i nënshtrohet sërish mbylljes nën panikun e situatës së muajve shkurt-mars, në të vërtetë po përballet me një valë të dytë më të madhe pakënaqësie qytetare të cilën e kanë demostruar duke protestuar kundër masave kufizuese të vendosura nga autoritetet.
Qytetarë të shumtë në Napoli, kanë bllokuar rrugët e qytetit, dhe me thirrjet “liri, dinjitet dhe punë”, kundërshtojnë një mbyllje të dytë, raportojnë mediat vendase.
Situata nuk dihet ende se si do të precipitojë në ditët në vazhdim, sidomos tani që qeveria “Conte” ka vendosur sërish masat bllokuese, por ajo që është parë sot është fakti se as policia nuk do më që të dalë kundër qytetarëve.
Vet agjentët e policisë të dërguar dhe urdhëruar për të shpërndarë dhe qetësuar turmat e irituara, kanë “ulur armët” dhe janë bashkuar me protestuesit.
Kjo gjë nuk ishte parë në muajt e pranverës, kur policia italiane u tregua e rreptë sidomos në zonat e Lombardisë, për të izoluar qytetet e prekura më shumë nga koronavirusi.
Por duket se tani edhe italianët e kanë kuptuar se më shumë se sa një pandemi kjo mund të lejë një “mega-lojë”, por ata e kanë më të qartë se mbi të gjitha e rëndësishme është ekonomia, liria dhe përditshmëria.
/GazetaReforma.com/
