Komisioni i Pavarur i Kualifikimit (KPK), mësohet se ka shkarkuar nga detyra gjyqtarin e Gjykatës së Tiranës, Neritan Cenën.
Bëhet me dije se pasuria e pajustifikuar ka ‘fundosur’ gjyqtarin i cili ngeci në ‘rrjetën’ e Vettingut.
Sipas KPK-së, gjyqtari nuk i ka deklaruar të gjitha pronat që posedon me përgjegjësi të plotë pranë ILDKPKI-së.
Detajet që binin në sy te gjyqtari, ishte fakti se gjyqtari Cena merrte më shumë borxhe dhe kredi se sa të ardhura që kishte.
Ai rezultonte me një baba të pasur, me kunata dhe kushërinj të pasur, që i japin para për të blërë patundshmëri brenda dhe jashtë vendit, si dhe me kunata dhe kushërinj të pasur.
Lëvizjet financiare që ai deklaronte vendosnin në dyshim pasurinë e tij monetare dhe të patundshme. Cena është pronar i 2 pasurive të patundshme në Gjermani, i një apartamenti në Tiranë dhe një tjetri në Lukovë, si edhe i 2 autoveturave personale.
