Kandidati për deputet nga Lëvizja Vetëvendosje qendra Shqipëri, Bojken Abazi, ka bërë publike mbrëmjen e sotme programin politik me 13 pika për zgjedhjet e 25 prillit.
Me anë të një postimi në rrjetet sociale, Abazi dha premtimin se do të angazhohet për plotësimin e të gjitha pikave të përmendura.
Kujtojmë se prej dy ditësh jemi në muajin zyrtar të fushatës elektorale. Të gjitha partitë në vend po shpalosin programin e tyre politik gjithashtu dhe prezantimin e kandidatëve për deputet në çdo qark.
Postimi i plotë:
13 pikat programore për Shqipërinë dhe për Qarkun e Tiranës. Të dashur qytetarë, dëshiroj t’ju paraqes 13 pikat tona programore për një politikë #KrejtTjetër. Falënderoj miq e mbështetës nga profesione e fusha të ndryshme të ekspertizës, si edhe profesorët e veprimtarët e Lëvizjes, bashkë me të cilët i ndërtuam këto pika. Unë do të angazhohem në realizimin e këtyre synimeve, në Kuvendin e Republikës, por edhe si qytetar e aktivist, krah për krah me të gjithë ata që duan zhvillimin, drejtësinë dhe forcimin e shoqërisë e të kombit.
Pikat:
Për shëndetin publik si energia e parë e Republikës.
Për dalje nga kriza duke forcuar prodhimin dhe teknologjinë.
Për arësimin publik, cilësor dhe falas, si formues të qytetarëve dhe profesionistëve.
Për barazi gjinore në sferën publike, në punë, institucione dhe media.
Për mjedisin si cilësi e jetës, burim energjish dhe themel i zhvillimit të qëndrueshëm.
Kundër partneritetit Publik-Privat, si dogme e privatizimit të pasurisë publike.
Kundër marrëveshjeve që bien ndesh me interesin kombëtar.
Kundër kapjes së instiucioneve, drejtësisë dhe administratës prej pushtetit dhe krimit.
Kundër abuzimit me të drejtat e punëtorëve.
Kundër monopolizimit dhe kartelizimit të tregjeve.
Apartament i përballueshëm për familje të reja.
Transport urban modern.
Ruajtja e vlerave historike dhe vlerave publike.
