Drejtori i Burgjeve Stefan Çipa, i cili e mbajti këtë detyrë për vetëm 5 muaj, është shkarkuar.
Çipa është njohur me vendimin e Ministres së Drejtësisë Etilda Gjonaj ditën e djeshme (5 shkurt 2019), por ende nuk bëhen të ditura motivet.
Stefan Çipa u emërua drejtor i Burgjeve me 3 shtator 2018, pas shkarkimit të Arben Çukos.
Burimet bënë me dije se shkarkimi i Stefan Çipës mund të ketë lidhje me vendimin për ti dhënë leje prej 6 orësh të arrestuarit Safet Bajri, i cili mori pjesë në ceremoninë mortore të të atit.
Ai u arrestua më 21 shtator 2018 në zonë “Xhamllikut” në Tiranë si pjesë e një grupi kriminal “Bajri”.
Safet Bajri është dënuar me 22 vjet heqje lirie në Belgjikë për tri akuza, përfshirë edhe atë të përleshjeve fizike me grupet rivale në kontrollin e zonave të shfrytëzimit të prostitucionit në Bruksel.
