Ditën e sotme do të lexohen emrat e delegatëve që kanë firmosur për thirrjen e Kuvendit Kombëtar të 11 dhjetorit, në degët e Partisë Demokratike në Shkodër.
Nisma Foltorja ka njoftuar këtë të shtunë se në orën 12:30 do të lexohen emrat e deglegatëve të PD-së Shkodër, Pukë, Malësi e Madhe dhe Vau i Dejës, të cilët kanë firmosur pro kuvendit të Berishës.
Lideri historik i Partisë Demokratike-së, Sali Berisha, ka rikujtuar gjithashtu mëngjesin e sotëm se kanë mbetur dhe 6 ditë deri në mbajtjen e Kuvendit të 11 Dhjetorit për demokratët dhe për opozitën.
Njoftimi
Njoftim- Partia Demokratike- Foltorja
Sot, dt. 4 Dhjetor, ne oren 12.30, deget e PD-se Shkoder, Puke, Malesi e Madhe dhe Vau i Dejes do te lexojne emrat e delegateve qe kane firmosur formularin per mbledhjen e Kuvendit Kombetar me date 11 Dhjetor.
Leximi I emrave do te behet ne seline e PD-se. Ftojme mediat te marrin pjese. Faleminderit.
Rikujtojmë se Sali Berisha ka ndërmarrë nismen Foltorja pasi Lulzim Basha e përjashtoi nga partia në datë 9 shtator. Berisha thotë se ka mbledhur firmat e nevojshme për thirrjen e Kuvendit Kombëtar në datë 11 dhjetor, ku pritet të shkarkohet Basha. Mirëpo ky i fundit nuk e njeh kuvendin e Berishës dhe ka njoftuar një tjetër kuvend në datë 18 dhjetor.
