Shtetasi Alkend Haskaj, 32 vjeç është arrestuar në Gjirokastër nën akuzën e ushtrimit të paligjshëm të lojërave të fatit.
Shtetasi A. H. u arrestua pasi, në lagjen “18 Shtatori” gjatë kontrollit të ushtruar në lokalin (bar-kafe) të marrë me qera nga ky shtetas, është gjetur dhe sekuestruar në cilësinë e provës materiale një aparat celular, ku dyshohet se përmbante faqe online të basteve sportive dhe nëpërmjet këtij aparati ushtronte veprimtarinë e lojrave të fatit në kundërshtim me ligjin.Materialet i kaluan Prokurorisë së Rrethit Gjyqësor Gjirokastër, për veprën penale “Organizim i llotarive të palejuara”.
Ky nuk është rasti i parë i skedinave online, vitin e kaluar u zbulua një rrjet më i gjërë administratoresh të cilët kishin faqe web-i që mundësonin vendosjen e skedinave online. Po ashtu bëhet e ditur se administratorët krijonin account-e me username dhe password, të cilat ua jepnin klientëve që tu mundësohej hyrja në faqe dhe vendosja e skedinave online, ndërkohë që dhe pagesat bëheshin online.Të gjitha këto hetime u bënë të mundura pasi oficerët gjurmuan IP-të e kompjuterëve dhe të celularëve që ushtronin këtë aktivitet. Serveri kryesor ishte në Tiranë e me pas iu jepte akses pikave të ndryshme në qytetet. Po ashtu u gjetën dhe u sekuestruan 170 milionë lekë të vjetra, të grumbulluara nga bastet që ishin vendosur nëpër pikat e monitoruara prej kësaj qëndre kriminale”.
