Teksa ditën e sotme pritet të merret vendimi nga Gjykata e Apelit për vulën e Partisë Demokratike, deputetja Rudina Hajdari shprehet se kjo është një shkelje e të drejtave. Deputtja Hajdari në një deklaratë nga Gjykata e Apelit thotë se kryetari i opozitës zgjidhet nga populli dhe jo gjykata. Gjithashtu theksoi se fati i Partisë Demokratike nuk mund të vendoset nga një trup gjykues. Më tej shtoi se gjykata duhet të jetë vigjilente në lidhje më këtë situatë.
“Ajo që po ndodh është e paprecedentë. I kujtoj gjykatës , shoqërisë që ky është një problem që na përket të gjithë. Gjykata nuk mund të mohojë të drejtën. PD nuk mund të trajtohet si pronë private, s’mund të vendoset nga një trup gjykues nëse kjo i përket zoti Berisha apo jo. E inkurajoj gjykatën që ta shoh këtë vendim. Po e them dhe si nënë, jam e shqetësuar. jam këtu për t’i kujtuar gjykatës, se gjithë procesi është falsitet. PD nuk mund të trajtohet si pronë private. Do e inkurajoja gjykatën që mos të harrojë drejtësinë, dhe të prevalojë shumicën. Shumica është vullneti përmes votës. E vendosin anëtarët e PD të ardhmen e kësaj partie. Parimi po thuhet, dhe dua t’ua rikujtoj gjykatës. Jam këtu si gardiane e këtij parimi, pasi jam e bija e Azem Hajdarit, që dha jetën për këto parime. Ndaj i bëj thirrje gjykatës që të kenë parasysh që partitë dhe kryetarët e tyre zgjidhen si proces i votës së lirë dhe jo përmes gjyqeve”, u shpreh Rudina Hajdari.
