Dy vëllezër me probleme mendore terrorizuan mbrëmjen e djeshme Skraparin.
Pas një sherri banal midis tyre, Hekuran dhe Hysen Hoxha filluan të qëllojnë me kallashnikov në ajër rreth orës 20:30.
Policia rrethoi menjëherë pallatin në lagjen “5 shtatori”, por dy vëllezërit të frikësuar, nisën të qëllojnë sërish, tashmë drejt bluve.
Kjo ka bërë që efektivët e policisë të thërrisnin përforcime nga RENEA.
Pas negociatave për disa orë me policinë, Hekurani, 55 vjeç ka dalë jashtë dhe është vetëdorëzuar, i paarmatosur, rreth orës 01:30 pas mesnate.
Vëllai i tij ndërkohë u mbyll brenda banesës, ku ka qëlluar edhe disa herë të tjera.
Policia nuk është larguar, derisa nga pallati doli edhe 58-vjeçari, Hasan Hoxha.
Të dy vëllezërit u shoqëruan më pas në ambjentet e Drejtorisë Vendore të Policisë Berat.
Nga të shtënat për fat të mirë nuk pati dëme njerëzore apo materiale.
Njoftimi i policisë
Rreth orës 20:40, në Skrapar, në lagjjen”5 Shtatori”, në katin e parë të një pallati, shtetasi H. H., rreth 57 vjeç, me probleme të shëndetit mendor, ka qëlluar disa herë në ajër me armë zjarri. Në vendngjarje shkuan menjëherë shërbimet e Policisë dhe shtetasi H. H., kur i ka parë punonjësit e Policisë, ka qëlluar në drejtim të tyre dhe është mbyllur në banesë. Shërbimet e Policisë kanë marrë masa sigurie dhe kanë rrethuar pallatin, duke i bërë thirrje që të dorëzohet, por deri në këto momente ai nuk i është përgjigjur thirrjeve të Policisë. Në ndihmë të Policisë vendore janë nisur forcat e Ndërhyrjes së Shpejtë të Fierit dhe një grup i negociatave të Reneas”, njofton policia.
