Vetëm një ditë pas ngjarjes së rëndë të ndodhur ditën e djeshme në Laprakë ku mbeti e vrarë 17-vjeçarja Briselda Gjikola dhe u plagos Erion Bengo, vëllai i viktimës i ka kushtuar një dedikim asaj.
Ai përlot me shkrimin dedikuar motrës së tij duke postuar një foto me të në llogaritë e tij Facebook dhe Instagram dhe shkruan se ajo ishte bota për të ndërsa tani i ka lënë vetëm kujtime.
“Nuk prisja që të kisha një humbje tjetër aq të thellë. Mendova se do kalonim një jetë plot gëzime dhe tani m’le vetëm disa kujtime që më marrin frymën dalë ngadalë. Ishe botë me vete për mu dhe do mbetesh plagë në zemër përjetë. U prefsh në paqe dashuria ime, motra ime. Të du pafundësisht.R.I.P”, shkruan i vëllai i 17-vjeçares.
(panorama)
