“Rrethi mburojë” i Veliajt duket se po zhduket dalëngadalë. Ca në SPAK, e ca me rritje në detyrë nga pushteti qendror (që pritet të thirren së shpejti në SPAK), drejtorët e Veliajt në Bashinë e Tiranës po e lënë lalin vetëm. Ish-nënkryetari Arbjan Mazniku u emërua si Ministër i Shtetit për Pushtetin Vendor. Ndërsa, Anisa Ruseti mori detyrën e Drejtoreshës së Përgjithshme të Agjencisë së Parqeve dhe Rekreacionit. Veliaj ka njoftuar sot emrat e dy nënkryetarëve të rinj të bashkisë së kryeqytetit.
Frida Pashako dhe Jonida Halili janë dy zonjat që kanë marrë besimin e Veliajt për postin e Nënkryetareve të Bashkisë së Tiranës, duke plotësuar kështu edhe dy vendet vakante pas largimit të Maznikut dhe Rusetit.
Ndërsa Ilda Qazimllari do të mbajë postin e drejtoreshës së Shërbimeve Publike në vend të Taulant Tushës.
Kujtojmë se pak kohë më parë SPAK mësyu në Bashkinë e Tiranës ku u lëshuan disa urdhër-arreste, ndër të cilët ishte edhe ish-drejtorit Përgjithshëm të Punëve Publike Taulant Tusha, i cili ndodhet në qeli. Lali euro me zhvillimet e fundit me aferën e shekullit, por jo vetëm, bën mirë që të gjejë një zëvendësues edhe për veten, pasi mesa duket nuk e ka të gjatë në karrigen ku është ulur. SPAK po heton!
