Kryetari i pezulluar i Bashkisë së Tiranës, Erion Veliaj, ka dorëzuar rekurs në Gjykatën e Lartë, përmes avokatëve të tij, duke kërkuar ndryshimin e masës së sigurisë “arrest me burg” të vendosur nga Apeli i Posaçëm.
Rekursi është dërguar me postë dhe pritet të shqyrtohet nga trupa gjykuese e kësaj gjykate.
Veliaj ndodhet në paraburgim prej 10 shkurtit, nën akuzën për korrupsion pasiv dhe pastrim parash në bashkëpunim.
Sipas SPAK, ai dhe bashkëshortja e tij, Ajola Xoxa, dyshohet se kanë ndërtuar një skemë të sofistikuar për përvetësimin e fondeve publike përmes lidhjeve me kompani kontraktore dhe organizata që kanë përfituar mbështetje financiare nga Bashkia e Tiranës.
Veliaj u arrestua në ambientet e Bashkisë, nën dyshimin se në nëntë raste të ndryshme ka konsumuar veprën penale të korrupsionit pasiv të zyrtarëve të lartë, ndërsa ndaj Xoxës është vendosur masa “detyrim paraqitje”.
