Agjentët e Byrosë Kombëtare të Hetimit kanë sekuestruar telefonin e bashkëshortes së kryebashkiakut Erion Veliaj, Ajola Xoxa, pas kontrollit të kryer në banesën e tij.
Mëngjesin e sotëm, “kolegët” e Veliajt kanë shkuar në shtëpinë e kolegut të tyre me një mandat kontrolli. Madje, ata i lanë një orë pas dere në pritje, kohë e mjaftueshme për të fshirë fakte kompromentuese që posedonin.
Më pas, oficerët e BKH-së janë drejtuar edhe në zyrën e kryebashkiakut për të vijuar veprimet e tjera hetimore.
Bashkia e Tiranës ka njoftuar se Erion Veliaj, pikërisht sot ndodhet në një takim me kryebashkiakun e Hamburgut, Peter Tschentscher.
Dyshohet se Veliaj ka qenë në dijeni të kërkesave të SPAK-ut dhe prokurorëve për kontrollin e banesës dhe masa të tjera, duke u larguar drejt Hamburgut.
Ky veprim duket të jetë një shenjë e përsëritur, pasi Veliaj shpesh largohet jashtë Shqipërisë kur BKH-ja kërkon dokumente ose realizon kontrolle.
Kjo është hera e pestë që Veliaj arratiset nga frika e hetimeve ose marrjes në pyetje nga SPAK. Një video e postuar nga Veliaj, ku shfaqet tigri i Kopshtit Zoologjik, ka ngritur dyshime se mund të jetë një mesazh për kryeministrin Edi Rama ose Prokurorinë e Posaçme, e cila ka nisur një hetim pasuror ndaj tij dhe familjarëve të tij.
Duket se tashmë do të rinisë historia e “fiqve” dhe e frutave të tjera, për të justifikuar pasuritë dhe aferat korruptive.
