Një ngjarje e tmerrshme i ka ndodhur një gruaje nga Dyshniku i Beratit e cila është shqyer nga qentë.
Bëhet fjalë për një zonjë 64-vjeçare, e quajtur Selime Braushi, e cila ka qenë duke punuar në parcelën e saj me ullishte kur është sulmuar nga disa qen.
Sipas dëshmitarëve, Braushi është përleshur me qentë, prej nga edhe ka marrë plagë të thella, që më pas do t’i rezultonin fatale për jetën. Në momentin që familjarët dëgjuan thirrjet dhe panë skenën e plotë, janë përpjekur që t’i japin ndihmën e nevojshme duke e shoqëruar deri në spitalin e Beratit, mirëpo përleshja ka qenë aq e fortë saqë gruaja nuk ka mundur më të mbahet në jetë.
Edhe pse ndërhyrja e mjekëve në repartin e kirurgjisë mësohet të ketë qenë e menjëhershme, përsëri kafshimet e qenëve ishin të shumta dhe plagët të thella, gjë që ka çuar 64-vjeçaren drejt vdekjes.
Ajo që duhet mbajtur parasysh është se fshati Dyshik ka qenë vendqëndrimi i disa kamionëve të ardhur nga Tirana apo Elbasani të cilët kanë shkarkuar qenë rruge. Nuk ka ende një reagim të instancave kompetente rreth këtij fakti.
