Shefja e departamentit të Infektivit në ISHP, Silva Bino u ka bërë apel grave shtatzëna dhe grupeve të riskut nga gripi që të vaksinohen, pas ngjarjes tragjike se një gruaje shtatzënë humbi jetën bashkë me një nga binjakët e saj, dyshuar nga virusi AHN1.
“Ajo ishte vetëm 36 vjeç, shtatëzënë dhe humbi jetën bashkë me një nga binjakët e porsalindur . Mjekë gjinekologë, mjekë, infermierë, gratë shtatëzëna përfshihen në grupet e riskut nga gripi. Ju lutem vaksinohuni për të mbrojtur vetë për të mbrojtur bebin. Gripi pavarësisht që nuk ka rritje mbetet shqetësim, prandaj vaksinohuni. Fruthi vazhdon të qarkullojë në vend dhe kush ka vonuar vaksinimin e fëmijës së tij apo nuk është vaksinuar të vaksinohet . Fruthi nuk kursen askënd dhe nuk ka moshë”– ka thënë Silva Bino.
Kujtojmë se 36-vjeçarja ( që fillimisht u raportua 30-vjeç) shtatzënë me binjakë ka ndërruar jetë në Sanatoriumin e Tiranës. Ajo ishte shtruar prej disa ditësh me simptomat e AH1N1 në Sanatorium dhe ka kryer lindje të parakohshme.
