Refik Mata, 29 vjeç, një shqiptar i dënuar disa herë për vjedhje u gjet i vdekur në qelinë ku po vuante dënimin në një burg të Nice në Francë.
Ai është gjetur i vdekur në qelinë e e tij më 17 dhjetor në burgun e Nices. Hetimi i deritanishëm i autoriteteve franceze ka dalë në dyshimin se bëhet fjalë për një vetëvrasje. Por Julie Boano, avokat i Refik Matës ka shprehur dyshime për shkakun e vdekjes dhe e ka konsideruar hetimin një lëmsh i vërtetë
Ai shtoi se kur klienti i tij erdhi në gjykatë e kishte fytyrën e ënjtur dhe me shenja. Sipas Boano-t , prokurorët i siguruan që do nisnin një hetim por që nuk i sollën asnjë përgjigje.
“Për gjashtë muaj me radhë unë kam raportuar se klienti im ishte në një gjendje aspak të mirë. Në 7 tetor patëm një debat pak përpara dhënies nga gjykata të masës së dënimit. Kur klienti im erdhi në gjykatë e kishte fytyrën të ënjtur e me shenja. Prokurorët më siguruan se do të nisnin një hetim por nuk më sollën asnjë përgjigje” ka deklaruar avokati.
Kujtojmë që ishin të dënuar të tjerë ata që mbrëmjen e 17-dhjetorit vunë re se shqiptari nuk po ndihej.
Kur u afruan pranë qelisë së tij, kërkuan ndihmë pasi Mata nuk po lëvizte. Mjekët konstatuan se shqiptari kishte ndërruar jetë.
