Legjenda botërore e futbollit, Diego Armando Maradona u nda nga jeta më 25 nëntor të vitit që sapo lamë pas. Por që nga vdekja e tij e deri më tani ka patur shumë polemika rreth vdekjes së tij.
Në mënyrë që të merren informacione në lidhje me vdekjen e Diego Armando Maradona, gjykatësit në Argjentinë kanë dhënë leje për të kontrolluar në telefonët e ish-futbollistit si pjesë e hetimit.
Motivi kryesor i masës është të shohë mesazhet dhe thirrjet e tij me Leopoldo Luque, mjekun dhe të dyshuarin se është përgjegjës për vdekjen e tij, dhe Agustina Cosachov, psikiatrin e tij. Maradona kishte dy celularë, një për rrethin e tij intim dhe një tjetër për rrethin e tij më të gjerë të miqve.
Fillimisht, kërkesa ishte refuzuar në shenjë respekti, por ai vendim tani ishte anuluar. Data e hetimit të celularit të tij nuk është përcaktuar ende.Hapja e telefonave është e nevojshme për të “mbledhur prova të mëtejshme” nga thirrjet hyrëse dhe dalëse në mesazhe dhe regjistrime zëri.
Dëshmitarja e parë, Griselda Vanesa Morel, ishte kujdestare për Maradona, do të dëshmojë të Mërkurën, me Romina Milagros Rodriguez, e cila ishte e pranishme në kohën e vdekjes së tij dhe një dëshmitare e tretë.
