Ditën e sotme gjykata ka liruar drejtuesin e punimeve të grupit të OSSH në Memaliaj, Altin Zhupa, i cili u arrestua dy ditë më parë me akuzën e shkeljes se rregullave të mbrojtjes në punë. Arrestimi i Zhupës erdhi disa orë pas humbjes së jetës se Agron Manait 55-vjeçarit elektricist i OSHEE në Tepelenë, i cili ra në kontakt me linjën e tensionit të lartë gjatë një inspektimi rutinor.
Viktima dhe kolegu i tij Adriatik Hasimi, të dy nga fshati Çërrilë Bashkia Memaliaj, kishin inspektuar linjat e tensionit pa urdhër pune dhe pa informuar me parë OSHEE-në në Tepelenë. Manaj, 54 vjeç, bashkë me kolegun e tij 55-vjeçar po punonin në një shtyllë tensioni për të riparuar linjën elektrike në fshatin Çërrilë në Memaliaj. Ata ranë në kontakt me rrymën elektrike duke mbetur të plagosur. Manaj u dërgua në spital në gjendje të rëndë, por nuk mundi të mbijetonte, ndërsa kolegu i tij 55 vjeç mbeti i plagosur lehtë.
“Kemi mbërritur poshtë linjës së tensionit dhe unë e kam lënë Agronin poshtë saj ndërsa vetë inspektova një tjetër linjë pak më larg, në një terren tepër të thyer. Pas disa minutash dëgjoj një shpërthim. Kthehem me shpejtësi dhe gjej Agronin të shtrirë në shesh me një tel në duar, i cili ishte takuar me linjën e tensionit me përbërje alumini. Menjëherë kam njoftuar policinë dhe ndihmën e shpejtë, të cilët kanë ardhur. Kemi transportuar në spital Agronin dhe më pas është çuar me helikopter në Spitalin e Traumës në Tiranë, për ndihmë të mëtejshme”., tha Hasimi.
