Një tërmet me fuqi 3.5 shkallës sipas Rihter u regjistrua sonte me epiqendrën gjashtë kilometra në perëndim të Petrinjes.
Sizmologët e Shërbimit Sizmologjik Kroat regjistruan tërmetin në orën 19:00.
Zona e epiqendrës Petrinje është goditur nga 374 tërmete që nga 28 dhjetori, sipas të dhënave paraprake të botuara sot nga Departamenti i Gjeofizikës në Fakultetin e Shkencave në Zagreb.
Një tërmet i fortë tronditi Kroacinë të martën (29.12) në mesditë duke shkaktuar 7 viktima dhjetëra të plagosur dhe dëme materiale. Sikurse njoftojnë mediat kroate dëmet materiale janë të mëdha. Qendra e këtij qyteti praktikisht është mbuluar nga rrënojat. Dëme prej lëkundjeve ka pasur edhe në Zagreb. Tërmeti u ndje edhe në Bonjë-Hercegovinë.
Qendra Europiane e Sizmiologjisë së Mesdheut (EMCS) njofton, se epiqendra e tërmetit ka qenë pikërisht përreth qytetit Petrinja 45 km në juglinde të Zagrebit. Sipas mediave spitalet në Petrinja dhe në kryeqendrën e rajonale Sisak janë dëmtuar rëndë prej tërmetit.
Sllvenia për shkak të tërmetit ka nxjerrë përkohësisht jashtë funksionit Centralin Bërthamor Krsko, sipas agjencisë sllovene të lajmeve STA. Ky central ndodhet fare pranë kufirit me Kroacinë. Ndërprerja e funksionimit në raste të tilla emergjence është një ndërhyrje standard për siguri, bëhet e ditur.
Ky ishte tërmeti i dytë në Kroaci brenda 30 orëve. Të hënën (28.12) vendi pati lëkundje sizmike të forcës 5,2 dhe 5 ballë. Në mars një tërmet prej 5,4 ballësh shkaktoi dëme të rënda në Zagreb. Një i ri ndërroi jetë dhe duzina njerëz u plagosën.
