Një ngjarje e rëndë ka ndodhur në kanalin Anglez, ku një varkë e vogël me emigrantë ka mbetur e bllokuar në brigjet e Kentit dhe ka kërkuar ndihmë.
Ndërkohë që dy helikopterë kërkim-shpëtimi, varka shpëtimi dhe varka të tjera të marinës britanike dhe franceze janë aktualisht duke operuar për shpëtimin e personave që ndodhen në varkë, raporton SkyNews.
Një anije peshkimi ishte gjithashtu në zonë për të ndihmuar. Në operacion janë përfshirë edhe helikopterë të Rojes Bregdetare nga Lydd dhe Lee on Solent dhe një nga Marina Franceze.
Në bazë të asaj që shkruan BBC, paraprakisht dyshohet të ketë viktima, megjithatë kjo nuk është konfirmuar ende nga autoritetet.
Ende nuk dihet numri i personave që ndodhen në varkë, identiteti apo gjendja e tyre.
“Rojet bregdetare aktualisht po koordinojnë operacionin pas incidentit të një varke të vogël jashtë Kentit, duke punuar me Marinën, Forcën Kufitare, Policinë e Kentit dhe partnerë të tjerë.Ne kemi dërguar varkat e shpëtimit Dover, Dungeness, Hastings dhe Ramsgate RNLI dhe ekipet e shpëtimit të rojës bregdetare Deal, Dungeness dhe Folkestone, së bashku me komandantin e zonës së rojes bregdetare”, bëri të ditur një zëdhënës i Agjencisë Detare britanike.
Vlen të theksojmë se ngjarja e rëndë ndodhi vetëm disa orë pasi kryeministri Rishi Sunak prezantoi planin me pesë pika për të trajtuar imigracionin e paligjshëm në Britaninë e Madhe
