Variant Delta i Covid-19 tashmë përbën 835 të rasteve të infektimeve të Shtetet e Bashkuara të Amerikës. Lajmin e kanë bërë të ditur zyrtarët e shëndetësisë, ndërsa rritje u quajt dramatike.
“Kjo është një rritje dramatike, nga 50% në javën e 4 korrikut”, tha Rochelle Walensky, drejtoreshë e Qendrave të Kontrollit dhe Parandalimit të Sëmundjeve (CDC) në dëshminë e Senatit.
Walensky gjithashtu tha se viktimat e Covid ishin rritur me gati 48% gjatë javës së kaluar në një mesatare prej 239 në ditë.
“Çdo vdekje është tragjike dhe madje edhe më pikëlluese kur e dimë se shumica e këtyre vdekjeve mund të parandalohen me një vaksinë të thjeshtë, të sigurt të disponueshme”, tha ajo.
Një grumbull shtetesh mes-perëndimore dhe jugore janë shfaqur si pikat e nxehta të reja për Covid-19, ndërsa fushata e vaksinimit është ngadalësuar ndjeshëm. Aktualisht SHBA administron 521,000 doza çdo ditë, një rënie prej 85% nga kulmi i vaksinimit në muajin prill kur administroheshin 3.38 milion doza çdo ditë.
“Kjo po bëhet një pandemi e të pavaksinuarve. Ne po shohim shpërthime të rasteve në pjesë të vendit që kanë mbulim të ulët vaksinimi sepse njerëzit e pavaksinuar janë në rrezik. Komunitetet që janë plotësisht të vaksinuara në përgjithësi po ecin mire”, tha Walensky javën e kaluar, ndërsa rastet vijonin në rritje.
Ndërkohë, administrate e Biden është fokusuar në shpërndarjen e dozave për komunitetet e goditura më rëndë nga virusi, me qëllim përshpejtimin e vaksinimit.
