E ngarkuara me punë e SHBA-së, Nancy VanHorn, ka zhvilluar një takim me Komisionerin Shtetëror të Zgjedhjeve, Ilirjan Celibashi, ku janë shqyrtuar përgatitjet për zgjedhjet parlamentare të 11 majit 2025.
Takimi ka pasuar vizitën e suksesshme të ekipit të Komisionerit Qendror të Zgjedhjeve (KQZ) në SHBA, në kuadër të Programit të Vizitorëve Ndërkombëtarë dhe Lidershipit të Departamentit të Shtetit. Ambasada e SHBA-së njofton se vizita u ofroi mundësinë zyrtarëve të KQZ-së të mësonin mbi praktikat elektorale të SHBA dhe të forconin lidhjet profesionale.
Nga takimi, Celibashi informoi për përgatitjet e KQZ-së për zgjedhjet e ardhshme, ndërsa VanHorn shprehu mbështetje të fortë për përpjekjet e Komisionit për të garantuar zgjedhje të drejta dhe transparente, duke theksuar rëndësinë e funksionimit të pavarur të institucioneve të tilla si KQZ.
