Rastet me koronavirus në vendin tonë kanë ardhur në rritje e së fundi për këtë një mesazh e kanë edhe mjekët e Spitalit Infektiv. Ministrja e Shëndetësië, Ogerta Manastirliu ka shpërndarë një foto të mjekëve, në veshjen speciale të të cilëve shkruhet “Vaksinohuni!”.
Manastirliu thotë se vaksinat reduktuojnë mundësin e infektimit dhe shmangin në shkallë të lartë fatalitetet.
“Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
*** Apeli i stafit të Spitalit Infektiv”, shkruan ministrja.
Kujtojmë që muaji gusht do të jetë muaj i hapur vaksinimi për të gjithë qytetarët +18 vjeç. Kushdo mund të paraqitet me kartën e identitetit në qendrën shëndetësore apo në qendrën më të afërt të vaksinimit për t’u vaksinuar ndaj Covid-19.
Ndërkohë, rastet me koronavirus në vendin tonë kanë ardhur në rritje ditë pas dite, për shkak edhe të pranisë të variantit Delta. Ditën e sotme janë raportuar 149 raste infektimesh, ndërsa u shënua një viktimë, pas shumë ditësh pa asnjë humbje jete. Ministrja e Shëndetësisë dhe zyrtarë të tjerë të shëndetit public u kanë bërë vazhdimisht thirrje qytetarëve për t’u vaksinuar, ndërsa procesi vazhdon. Kujtojmë se në Shqipëri janë përdorur deri tani vaksinat e Pfizer, AstraZeneca, Sputnik V dhe Sinovac.
