Interpol ka dhënë një paralajmërim të fortë në lidhje me çështjen e vakisinmit të popullatës dhe vaksinave anti-covid.
Bëhet me dije se me anë të një njoftimi zyrtar, Interpoli ka paralajmëruar se vaksinat anti-covid janë në shënjestër të krimit të organizuar.
Sipas Interpol qytetarët duhet të kenë shumë kujdes dhe të informohen siç duhen, pasi krimi i organizuar mund të synojë dozat e vaksinave anti-covid, në momentin kur këto të fundit do të jenë në qarkullim.
Një prej veprimeve që parashikohet që të bëjnë rrjetet kriminale sipas Interpol, është edhe fakti se këto rrjete mund t’i shesin vaksina false qytetarëve.
Selia e Përgjithshme e Interpolit në Francë, njoftoi se kishte dhënë një alarm global për zbatimin e ligjit në 194 vendet e tij anëtare, duke i paralajmëruar ata që të përgatiten për faktin se rrjetet e krimit të organizuar po synojnë vaksinat Covid-19 në terren si dhe nëpërmjet internetit.
“Ndërsa qeveritë po përgatiten për vaksinat, organizatat kriminale po planifikojnë të infiltrojnë ose të ndërpresin zinxhirët e furnizimit. Rrjetet kriminale do të synojnë anëtarë të padyshimtë të publikut, përmes faqeve të rreme të internetit dhe po ashtu shërbimeve të rreme, të cilat mund të përbëjnë një rrezik për shëndetin e tyre, madje edhe jetën e tyre”, ka paralajmëruar se Sekretari i Përgjithshëm i Interpolit, Juergen Stock./GazetaReforma.com/
