Kryeministri italian Mario Draghi ka paralajmëruar se ai nuk përjashton mundësinë që vendi i tij të autorizojë përdorimin e vaksinës anti-koronavirus Sputnik V të Rusisë në territorin e saj, nëse komuniteti Evropian nuk arrin të marrë një vendim të koordinuar.
“Ne do të porosisim [Sputnik V] dhe do të shohim. Nëse koordinimi evropian nuk po funksionon, veçanërisht në kujdesin shëndetësor, ne duhet të jemi të gatshëm të veprojmë vetë. Dhe unë nuk jam i vetmi person që e them këtë,” tha Draghi kur u përgjigj në pyetjen e një korrespodenti të TASS gjatë konferencës së tij të parë për shtyp si kryeministër i Italisë.
Kancelarja gjermane Angela Merkel më tha se nëse EMA [Agjencia Evropiane e Barnave] miraton Sputnik V, do të jetë mirë, por nëse jo – Gjermania do ta bëjë këtë. Ky është pragmatizëm i zakonshëm. Ne duhet të mbështetemi te uniteti evropian, por nëse nuk mund të arrihet, ne duhet të veprojmë në një mënyrë tjetër, “tha kryeministri.
Më parë, Merkel tha se Gjermania mund të blejë Sputnik V nga Rusia në një nivel kombëtar nëse BE nuk arrin të gjejë një vendim të përbashkët për këtë çështje.
Agjencia Evropiane e Barnave tha më 4 mars se kishte filluar procedurat e vlerësimit të Sputnik V për të parë përputhjen e tij me standardet e efikasitetit, sigurisë dhe cilësisë të BE.
Sputnik V i Rusisë renditet në mesin e tre vaksinave më të njohura të koronavirusit në botë. Deri më sot, është regjistruar për përdorim në mbi 50 vende të botës me një popullsi të përgjithshme prej më shumë se 1.3 miliardë.
