Kryeministri Edi Rama ka debatuar sot në emision me analistin Agron Gjekmarkaj, lidhur me temën e vaksinimit dhe 975 dozave që u dhanë dhuratë nga një shtet europian.
Gjekmarkaj tha se e gjitha u bë për propagandë dhe për të larguar vëmendjen nga skandali i darkës në Dubai, ndërsa Rama i është përgjigjur me mospërfillje.
Rama duke iu refruar Aristotelit, të cituar nga analisti Shpëtim Nazarko, tha se sot llafazanët po merren si analistë.
Gjekmarkaj: Vaksina u bë për propagandë.
Rama: Vetëm ju thoni vaksina u përdor për propagandë. Unë bëra vaksinën, e injektova në trupin tim. Si u përdor për propagandë.
Gjekmarkaj: U desh diçka që të largonte vëmendjen ndaj darkës në Dubai. E kuptoj që në politikë është veprimi i duhur. Nuk mund të themi se filloi vaksinimi me 900 vaksina, sepse me këtë ritëm do plakemi para se të marrim vaksinën.
Rama: Çfarë të them unë tani. Dakord. Vaksina është bërë për propagandë. Por, a ekziston mundësia të ketë një lajthitje të vogël në data të profesorit?
Rama: Në kohën e Aristotelit Nazarko tha se opinionistët ishin llafazanë ndërsa dua të them se sot llafazanët konsideron opinionistë. Kjo histori e vaksinës është një luftë. Çdo shtet po lufton për veten e tij, dhe është një luftë e gjatë jo e shkurtër. Çdo vend do sillen ashtu siç kanë kapacitetet për të fituar luftën. Ne sot në Shqipëri kemi kapacitet të mbajmë 250 mijë vaksina Pfizer.
Gjekmarkaj: Nëse i referohemi Aristotelit, atëherë kryeministri ka qenë gënjeshtar ndërsa tani gënjeshtari është kryeministër./Gazetareforma.com/
