Vaksina Johnson & Johnson,është e sigurt për përdorim: EMA (Agjencia Evropiane e Barnave) ka dhënë dritën jeshile për tregtimin me kusht të vaksinës Janssen (nga Johnson & Johnson) kundër Covid-19 duke filluar nga mosha 18 vjeç. Autorizimi erdhi pas një vlerësimi të plotë nga Komiteti i EMA-s për Produkte Medicinale për Përdorim Njerëzor (CHMP).
Sipas komitetit, të dhënat e vaksinës janë të forta dhe plotësojnë kriteret e efikasitetit, sigurisë dhe cilësisë. Janssen është vaksina e katërt e autorizuar në BE për të luftuar epideminë SARS-CoV-2.
Janssen është deri tani e vetmja vaksinë që ka nevojë për një dozë të vetme: një detaj i rëndësishëm, i cili mund të përfaqësojë një pikë kthese në përshpejtimin e fushatës së vaksinimit.
Sipas marrëveshjeve, secila dozë do të paguhet 15 euro dhe 200 milion doza duhet të arrijnë në Bashkimin Evropian deri në fund të vitit 2021, duke filluar nga tremujori i dytë me 55 milion doza të para. “Me këtë mendim të fundit pozitiv, autoritetet në të gjithë Bashkimin Evropian do të kenë një mundësi tjetër për të luftuar pandeminë dhe për të mbrojtur jetën dhe shëndetin e qytetarëve të tyre,” tha Emer Cooke, drejtori ekzekutiv i EMA. Vaksina Johnson & Johnson është e katërta që miratohet pas BioNTech-Pfizer, vaksinës Britaniko-Suedeze AstraZeneca dhe vaksinës Moderna të bërë nga SHBA-ja.
