Vaksina kundër koronavirusit është e vetmja shpresë që bota t’i kthehet normalitetit pas “zaptimit” nga pandemia.
Por ata që e kanë marrë vaksinën kundër Covid-19 duhet të dinë edhe se çfarë nuk duhet të konsumojnë pasi e kanë bërë atë.
Ata që kanë bërë vaksinën anti-Covid duhet të shmangin pirjen e alkoolit. Ekspertët paralajmërojnë se konsumimi i alkoolit pas vaksinës anti-Covid zvogëlon reagimin imunitar të trupit ndaj vaksinës.
Doktor Ronx Ikharia zhvilloi një eksperimet ku mori mostra gjaku para dhe pasi personat që kishin bërë vaksinën pinë tre gota Proseko (pije alkoolike).
Ai zbuloi se tre gota ishin të mjaftueshme për të ulur nivelet e qelizave limfocitare në gjakun e tyre me 50%.
Limfocitet kanë një ‘rëndësi themelore’ në sistemin imunitar sepse përcaktojnë përgjigjen imune ndaj mikroorganizmave infektive dhe substancave të tjera të huaja, siç është virusi SARS-CoV-2.
Ndërkohë kujtojmë se Komisioni Europian ka miratuar një paketë prej 70 milionë eurosh në kuadrin e Instrumentit për Para-Anëtarësim (IPA II) për të ndihmuar financimin e qasjes së partnerëve të Ballkanit Perëndimor në vaksinat Covid-19 të siguruara nga shtetet anëtare të BE-së.
Komisioneri për Fqinjësinë dhe Zgjerimin, Olivér Várhelyi tha se “gjatë gjithë pandemisë, BE-ja ka treguar që ne i trajtojmë vendet e Ballkanit Perëndimor si partnerë të privilegjuar.
Ne vazhdojmë të veprojmë në këtë frymë edhe në rastin e vaksinave, duke ndërmarrë që në fillim hapa për të mundësuar një fillim të shpejtë të fushatave të vaksinimit për stafin e rëndësishëm dhe grupet më të prekshme në rajon.
Vaksinimi i shpejtë do të jetë vendimtar për përfundimin e pandemisë dhe fillimin e rimëkëmbjes socio-ekonomike të Ballkanit Perëndimor”.
Paketa do të shpërndahet në formën e granteve që do të ndihmojnë për mbulimin e kostos së vaksinave për grupet me përparësi në rajon, si dhe pajisjet e nevojshme të vaksinimit.
Kjo do t’i mundësojë Ballkanit Perëndimor të blejë një numër vaksinash nga Marrëveshjet e Avancuara të Blerjeve të BE-së me gjashtë prodhues, me shtetet anëtare individuale të BE-së që do të ndajnë një pjesë të dozave të tyre të paracaktuara./Gazetareforma.com/
