Afganët të cilët gjetën strehë në Shqipëri që prej verës së vitit të kaluar tashmë jo vetëm që janë përshtatur me vendin, por edhe kanë ndërmarrë iniciativa biznesi.
Ashtu sikurse dihet në qytetin bregdetar të Shëngjinit janë akomoduar shumë afganë.
Ndërkohë dy vajza afgane kanë hapur një biznes në Shëngjin. Vajzat afgane shprehen se pas largimit nga Afganistani, iu mungonte diçka nga atdheu.
Restoranti quhet “Kabul-Shëngjin” dhe do të gatuajë ushqime tradicionale për rreth 1000 refugjatë afganë që tani qëndrojnë në qytet.
Të detyruara të largohen nga atdheu i tyre pasi talebanët morën pushtetin, dy vajza afgane kanë hapur një restorant në qytetin bregdetar shqiptar të Shëngjinit.
Duke përdorur ato pak fjalë shqipe që kanë arritur të mësojnë gjatë qëndrimit të tyre tre mujor në Shqipëri përpiqen që në supermarket të blejnë produktet që dëshirojnë. 22-vjeçarja Ëalëala Jalalzay dhe 19-vjeçarja Maryam Aslami thonë se restoranti “Kabul-Shëngjin” do të gatuajë ushqime tradicionale për rreth 1000 refugjatëve afganë që tani qëndrojnë në qytet.
“Në fillim kur erdhëm këtu përdornim gjuhën e trupit për të përshkruar atë që donim. Në fakt, disa nga miqtë tanë shqiptarë na kanë ndihmuar shumë në fillim, por dalëngadalë po mësojmë emrat po mësojmë gjërat që duam, apo vendin ku ato ndodhen”, thotë Ëalëala Jalalzay për Voa.
Ndërkohë disa familjarë të tyre i ndihmojë për të përgatitur ushqimin apo dhe në shërbim.
“Padyshim na marrë malli për vendin tonë, na ka marrë malli për njerëzit tanë, na ka marrë malli për mjedisin, na ka marrë malli për prindërit tanë që janë atje, por ne nuk mund të kthehemi në vendin tonë dhe ndoshta ata nuk mund të vijnë këtu. E vetmja gjë që mund të bëjmë tani është të sjellim shijen e ushqimeve këtu. Kështu ne vendosëm të hapim restorantin për të sjellë shijen e shtëpisë këtu”, tregon më tej 22-vjeçarja nga Afganistani.
Theksojmë se restoranti është bërë një atraksion për vendasit që shpresojnë të shijojnë ushqimin afgan.
