Prokuroria e Posaçme (SPAK) lëshoi pasditen e sotme tre urdhër arreste për disa emra të “frikshëm” të botës së krimit, siç janë Plaurent Dervishaj, Luftar Reçi dhe Lulzim Berisha, të cilët në bashkëpunim me Indrit Taullain kanë vrarë në 26 shkurt 2005 Klodjan Saliun, i cili njihej si kundërshtari i Lulzim Berishës.
3 bosët e krimit dyshohen se janë atentatorët e biznesmenit Vajdin Lamaj në vitin 2005. Ky vendim është përshëndetur edhe nga ambasadorja amerikane në vendin tonë, Yuri Kim.
Me anë të një postimi në rrjetin social “Twitter”, amabasadorja e SHBA-së në Shqipëri, Yuri Kim, ka shkruar se SPAK ka marrë përsipër një rast tjetër të madh të krimit të organizuar dhe korrupsionit. Sipas saj, ky nuk do të jetë as rasti i parë dhe edhe as i fundit.
Statusi i plotë:
“SPAK ka marrë përsipër një rast tjetër të madh të krimit të organizuar dhe korrupsionit. Ky nuk është veprimi i parë i tillë nga SPAK, dhe nuk do të jetë i fundit. Shpresojmë që SPAK do të vazhdojë të demonstrojë forcën, integritetin dhe aftësinë e tij përmes veprimeve të tilla”, ka shkruar ambasadorja Yuri Kim.
