Kryeministri Edi Rama, gjatë konferencës së përbashkët me kryeministrin e Malit të Zi, Dritan Abazoviç, u shpreh se projekti i ndërtimit të urës mbi Bunë, do ta çojë distancën mes Ulqinit dhe Velipojës, në 300 metra. Ditën e sotme në mbledhjen e përbashkët midis dy qeverive u firmos një rrëveshje bilaterale midis Republikës së Shqipërisë dhe Malit të Zi mbi ndertimin e urës në lumin e Bunës.
Ndërkohë që kryeministri Abazoviç u shpreh se shpenzimet e projektit janë paguar nga Shqipëria ndërsa sa i përket punimeve do të mbulohen nga Mali i Zi. Nga ana tjetër kryeminsitri i vendit tonë Edi Rama nuk i kurseu edhe batutat duke thënë se Mali i Zi ka rroga më të larta se vendi jonë, dhe se nuk shkon që ta paguajë Shqipëria ndërtimin e saj.
“Ndërtimi i urës mbi Bunë do ta kthejë distancës mes dy vendeve në 300 metra. Kjo është një marrëveshje jetësimi mbi projektin e zbatimit realizuar nga FSHZH. Projektin e kemi realizuar me fonde tona, tani me fonde të përbashkëta do bëjmë dhe urën se siç i thash dhe Dritanit. Këtu në Mal të Zi i keni rrogat më të larta, dhe nuk shkon t’ua paguaj Shqipëria dhe urën”, deklaroi Rama.
