Zv/ministria e Shëndetësisë, njëkohësisht edhe kryetarja e komitetit të ekspertëve, Mira Rakacolli është shprehur se mësimi në universitete nuk do të zhvillohet në auditor, por online.
Ajo gjithashtu njoftoi se po mendohet që të mbyllej pjesërisht lokalet në bllok si dhe në rast të përkeqësimit të situatës mund të ketë mbyllje totale.
“Në mbledhjen e zhvilluar pak momente më parë Komitetin Teknik i Eksperteve, ka analizuar situatën dhe risqet, kemi vlerësuar situatën në rajon dhe Europe, masat e ndërmarra nga këto vende, zbatimin e masave në vendin tonë, ecurinë e epidemisë në vend dhe kemi vendosur unanimisht të propozojmë që universitetet të zhvillojnë vetëm mësim online, pra mësim vetëm ne distancë pa prezence fizike të paktën për muajin e parë të hapjes duke vlerësuar situatën ne dinamike. Aulat dhe konviktet do të jenë të mbyllura deri në një vendim të dytë”, tha Rakacolli.
Ajo që është shqetësuese në këtë fakt është që tarifat nuk do të ulen, ose të paktën deri më tani nuk ka pasur një njoftim të tillë.
Gazeta Reforma ka shkruar më parë që hapja e shkollave ishte një veprim i nxituar.
/GazetaReforma.com/
