Kryeministri Edi Rama e ka nisur ditën e sotme me një video sarkastike, të publikuar në rrjetet sociale ku i është kundërpërgjigjur akuzave të opozitës për tenderat e fshehta.
Disa ditë më parë Partia Demokratike ka akuzuar Ministrinë e Shëndetësisë se më 21 mars dhe 3 prill ka miratuar 4 tendera në mënyrë sekrete duke mos bërë publike dosjet e prokurimit.
4 tenderat që PD akuzon qeverinë kanë të bëjnë me blerjen e mjeteve mbrojtëse për stafet shëndetësore, blerjen e kiteve për laboratorin e QSUT-së, trajtimin e mbetjeve spitalore të pacientëve me COVID 19 dhe blerjen e respiratorëve për të rritur dhe fëmijë.
Me anë të një video montazhi, përballen akuzat e opozitës dhe fakte dhe dokumente, që sipas Ramës vërtetojnë të kundërtën e asaj që demokratët thonë, teksa videoja është shoqëruar edhe me reagime të njëpasnjëshme të shefit të qeveri si të qeshura ironikë, apo duke vënë duart në kohë.
“Nuk ka tendera sekret, as kontrata sekrete. Procedurat e tenderimit të përdorura për COVID-19 janë procedura të miratuara ligjore, për lidhjen e kontratave që diktohen nga interesa thelbësore të shtetit. Po të ishin sekrete, nuk do ishin publike…Qeveria bleu veshje mbrojtëse që quhen Tyvek, me një çmim 14.6 euro për të mbrojtur mjekët dhe infermierët në të gjithë Shqipërinë. Qeveria bleu mbrojtëse për sytë me çmim 4.4 euro/ copa. (PD pretendon për 6 euro). Referenca doganore për kitin TR-PCR COVID-19, i përbërë nga një sërë kitesh për ekstraktim automatik kalibrues diagnostikues është 6.100 lekë/ kiti jo 21 mijë lekë. Kompania fituese për shpërndarjen e ushqimeve për familjet në nevojë është pjesë e një grupi të madh të mirënjohur biznesi të shqiptarëve të Maqedonisë së Veriut që operon prej vitesh në fushën e tregtisë së ushqimeve. Kontrata u lidh jo me 1.5 mln euro, por për vetëm 830 000 euro”, – thuhet në video.
https://www.facebook.com/138734771522/posts/10157689766701523/
