Ambasadorja e SHBA-së në Tiranë, Yuri Kim i bëri ditën e sotme nëpërmjet një postimi, ftesë në formë ultimatumi Këshillit të Emërimeve në Drejtësi (KED), për mbledhjen sa më parë të KED për dërgimin e listës së kandidatëve të Gjykatës Kushtetuese në Kuvendn në mënyrë që të formohet sa më shpejt ky institucion i rëndësishëm shtetëror.
Kujtojmë se politika ka lënë “peng” për gati tre vjet formimin e Gjykatës Kushtetuese, sepse secila palë është përpjekur që të vendosë gjykatësit nën influencën e tyre në kryesinë e Kushtetueses.
Kim u tregua e prerë ndërsa tha se proceset duhet të respektohen, por jo të keqpërdoren, pasi nuk kishte asnjë arsye që Gjykata Kushtetuese të mos ishte funksionale deri më 31 dhjetor.
Me ultimatumin e ambasadores së SHBA në Shqipëri, si dhe me kërkesën e ambasadort të BE-së në Shqipëi, Luigi Soreca, KED vendosi që të mblidhet sot në orën 13:30.
Në mbledhjen që tashmë ka nisur, pritet që Këshilli i Emërimeve në Drejtësi (KED), të vazhdojë procedurat për verifikimin e kandidatëve për Gjykatën Kushtetuese./GazetaReforma.com/
