Ditën e sotme është zhvilluar mbledhja e Komisionit të Ligjeve, por ajo çka u vu re ishte mungesa e një prej figurave më të rëndësishme të saj, Bashkim Fino. Ky i fundit, u nda nga jeta disa javë më parë, pasi nuk mundi të fitonte betejën me COVID-19. Në fillim të seancës, ishte kryekomisioneri Ulsi Manja, i cili i dedikoi fjalë prekëse për ish-kryeministrin e Shqipërisë.
Në mungesë që të mbahej një minutë heshtje, pasi takimi po zhvillohej përmes platformave online, u transmetua një video, me foto të Finos dhe fjali të dedikuara për të.
“Sot në këtë mbledhje Komisioni mungon njëri prej nesh, një njeri i pazëvendësueshëm për të gjithë kontributin e tij në vitet e vështira të Shqipërisë por edhe si deputet i Kuvendit të Shqipërisë dhe posaçërisht anëtar i Komisionit të Ligjeve. Mungon Bashkim Fino. Fino, në radhë të parë i mungon familjarëve të tij, por sigurisht edhe miqve edhe ne kolegëve. Unë jam i bindur që Bashkimi është bashkë me ne, mbase na vëzhgon nga lart, na kritikon ne kolegëve të tij që të ecim më shpejt, jam i bindur që do t’ja dalim edhe për Bashkimin”, tha Manja, i cili u paraqit mjaft i prekur.
https://www.facebook.com/komisioniligjeve/videos/907431366747233
