3,039 raste të reja dhe 604 viktima, ky është bilanci i fundit i shkaktuar nga COVID-19 përtej Adriatikut në 24 orët e fundit sipas autoriteteve italiane.
Ndonëse, numri i viktimave është ende i lartë, vihet re sërish një ulje e ndjeshme e numrit të të infektuarve, pasi ditën e djeshme u regjistrun 3,599 raste të reja, ndërsa sot 3,039.
Rënie ka pësuar edhe numri i pacientëve që kanë nevojë për terapi intensive, duke shkuar nga 3,898 në 3,792, duke ulur kështu presionin mbi spitalet.
Në total numri i të prekurve me COVID-19 në Itali ka shkuar në 135,586, ndërsa numri i viktimave në 17,127, duke bërë që shteti italian të vijojë renditjen në krye të tabelës sa i takon numrit të viktimave.
Fatmirësisht bëhet e ditur se deri tani janë shëruar 24,392 persona.
Në të gjithë botën janë infektuar 1.34 milion persona, ndërsa 74,000 të tjerë kanë vdekur.
