Komiteti Ekzekutiv i UEFA-s ka zyrtarizuar ditën e sotme datat e disa prej kompeticioneve të njohura europiane si Champions League, Europa League dhe Liga e Kombeve.
E ditur bëhet se është përcaktuar edhe periudha kur kombëtaret do të zbresin në fushë për të zhvilluar ndeshjet miqësore.
Kuqezinjtë do të zhvillonin dy ndeshje miqësore në muajin mars, me San Marinon dhe Slloveninë.
Mësohet se këto ndeshje tashmë do të luhen në vjeshtë, konkretisht në tetor dhe në nëntor.
Sakaq, UEFA ka vendosur që të mbahen rregullisht grumbullimet e kombëtareve për në muajt e sipërpërmendur.
