UEFA ka publikuar ditën e sotme formacionin më të mirë të vitit 2020 pas votimit të tifozëve nga e mbarë bota. Pothuajse 6 milionë persona përgjatë muajit të fundit shprehën bindjet e tyre për futbollistët më të mirë në Europë.
Portieri më i mirë në kontinent është votuar gjermani Manuel Neuer. Ndërkohë Joshua Kimmich, Sergio Ramos, Virgil van Dijk dhe Alphonso Davies janë vendosur në mbrojte. Thiago Alcántara, Kevin De Bruyne janë zgjedhur si dy nga mesfushorët më të mirë për këtë formacion.
Si sulmues të fshehtë janë më të votuarit Cristiano Ronaldo dhe Lionel Messi ndërsa në repartin ofensic janë braziliani Neymar dhe polaku Robert Lewandowski i cili shënoi 15 gola në 10 ndeshje evropiane sezonin e kaluar, si qendër sulmues. Siç vihet re, 5 futbollistë i përkasin formacionit të Bayern Munich si skuadra që fitoi gjithëçka në sezonin e shkuar.
Për herë të parë në formacionin më të mirë të vitit ishin Kimmich, Davies dhe Thiago Alcántara. Ndërsa portugesi Cristiano Ronaldo është zgjedhur 15 herë dhe 12 herë Messi.
Tifozët nga e gjithë bota kishin kohë nga 30 nëntori 2020 deri më 6 janar 2021 për të zgjedhur të preferuarin e tyre nga dy lista të shkurtra prej 50 lojtarësh elitarë – pesë portierë, pesëmbëdhjetë mbrojtës, pesëmbëdhjetë mesfushorë dhe pesëmbëdhjetë sulmues.
