Pas dy muajsh në morgun e Tiranës, trupi i Rayan Alwan, 23-vjeçares palestineze e vrarë nga babai i saj, është tërhequr nga të afërmit.
Mësohet se familjarët që morën trupin janë nga ana e nënës së saj.
E reja kishte ardhur në Shqipëri më 19 shkurt, së bashku me babanë e saj, Fadi Alwan.
Fillimisht ata morën një apartament me qira në rrugën “Gjon Buzuku” në Tiranë, në fillim policia njoftoi se ishin bashkëshortë, por më pas u konfirmua se ishin babë e bijë.
Vetëm pak ditë pas mbërritjes, më 22 shkurt, 49-vjeçari dyshohet se e goditi vajzën për vdekje me thikë dhe u largua nga Shqipëria përmes aeroportit të Rinasit, ku besohet se ka fluturuar drejt Libanit.
Sipas hetimeve, shkak i krimit kanë qenë konfliktet mes tyre, të cilat ishin përshkallëzuar pas divorcit të 24-vjeçares dhe mënyrës së saj të jetesës, që sipas të atit nuk ishte në përputhje me rregullat e fesë islame.
