Policia ka dalë me njoftim zyrtar për vrasjen që tronditi Shkodrën mesditën e sotme. Blutë konfirmojnë se viktima Elis Rroshkodoli 36 vjeç u qëllua për vdekje me pistoletë në një lokale në lagjen “Ahmet Haxhia”.
Sipas policisë, në vendin e ngjarjes, grupi hetimor ka gjetur në çantën e dorës të 36-vjeçarit, 1 armë zjarri pistoletë me fishekë në fole gati për qitje. Autori i krimit nuk është identifikuar ende, ndërsa nga informacionet paraprake dyshohet se ai është larguar më këmbë nga vendi i ngjarjes. (lexo këtu)
Në më pak se dy javë, qyteti verior është tronditur nga disa ngjarja kriminale. Pas vrasjes së dyfishtë në Velipojë, dhe atentatit pa viktima në zonën e Vaut të Dejës, ku pati përplasje me armës mes dy grupeve kriminale. Policia ka mbërritur në vendin e ngjarjes ku kanë nisur hetimet.
NJOFTIMI I PLOTË:
Shkodër/Informacion paraprak
Rreth orës 12:30, në lagjen “Ahmet Haxhia”, në një lokal, dyshohet se një shtetas i paidentifikuar ka vrarë me armë zjarri shtetasin E. Rr., rreth 36 vjeç, banues në Shkodër.
Me marrjen e njoftimit, kanë shkuar menjëherë në vendngjarje, shërbimet e Drejtorisë Vendore të Policisë Shkodër dhe drejtuesit e Drejtorisë dhe të Komisariatit të Policisë Shkodër.
Në ndihmë të Policisë Vendore kanë shkuar dhe dy grupe të Forcës Kombëtare të Sigurisë, Njësia Shkodër dhe janë vënë në ndjekje të autorit.
Gjithashtu është ngritur një grup hetimor i cili ndodhet në vendngjarje dhe po vijon punën intensive në bashkëpunim me Prokurorinë, për sigurimin e provave për dokumentimin ligor të kësaj ngjarjeje.
Nga veprimet paraprake në vendin e ngjarjes, grupi hetimor ka gjetur në çantën e dorës të 36-vjeçarit E. Rr., 1 armë zjarri pistoletë me fishekë në fole gati për qitje.
Vijojnë veprimet dhe kontrollet intensive, për identifikimin dhe kapjen e autorit.
